Në vendin tonë moti për ditën e sotme është parashikuar të ketë kthjellime, por vranësira të shpeshta dhe shira të dobëta, në ekstremin verior dhe juglindor.

Sipas MeteoAlb, në zonat malore gjatë mesditës shfaqen vranësira të lehta. Ndërsa pjesa e dytë e ditës dhe mbrëmja lë me kthjellime rajonin jugor dhe qendror, por vranësira të shpeshta dhe shira të dobët do të përfshijnë ekstremin Verior dhe Juglindor.

Ndersa orët vijuese sjellin dominim të kthjellimeve edhe në këto zona. Temperaturat e ajrit ulen me të paktën 2 gradë në mëngjes dhe mesditë, duke bërë që vlerat ditore të luhaten nga 8°C deri në 30°C. Era do fryjë mesatare me shpejtësi 45 km/h kryesisht nga drejtimi Veriperëndimor duke krijuar në det dallgëzim 4 ballë.