Kryetarja e LSI-së, Monika Kryemadhi, ka folur edhe në studion e ‘Repolitix” në Report Tv edhe për negociatat e Shqipërisë me Bashkimin Evropian.
Kryemadhi nuk është shprehur aspak optimiste për hapjen e këtyre negociatave. Madje ajo thotë se Shqipërisë i është shtuar edhe një kusht.
“Ata nesër kur të hetojnë se paratë e tyre që janë vjedhur në Shqipëri, do të mbajnë përgjegjësi edhe fëmijët e shqiptarëve. Një gabim që bën një ambasador këtu, kostoja është e shqiptarëve. Sipas Ramës dhe Flekenshtain ne i kemi hapur negociatat. Hahn thotë prapë do e bëjmë rekomandimin, se është i detyruar, por do të shtojnë edhe ca kushte të tjera, azilkërkuesit. Hahn pas datës 23 maj nuk është më dhe cilat do të jenë raportet që do të ketë KE-ja? Ministri holandez i futi një kërbaç Shqipërisë”, tha Kryemadhi
Ndërsa Kryemadhi tha më tej se është penduar që ka votuar 7 ligjet e Reformës në Drejtësi, më 30 mars 2017.
“A jeni penduar? Unë po. Sepse problemet që ngriti PD-ja kanë dalë të vërteta sot, po të kishim reflektuar në propozimet e PD-së do të kishim një SPAK dhe Byronë të ngritur. Nuk do të ishim në kushtet që jemi sot, pa Gjykatë të Lartë dhe Kushtetuese. 7 ligjet vonuan të gjithë procesin. Ndërkombëtarët kanë harxhuar mbi 40 mln euro dhe kanë mashtruar veten e tyre. Teknikë, burokratë” tha Kryemadhi.
