Jennifer Lopez është paditur së fundmi për shkelje të së drejtës së autorit për një foto që ajo ka postuar në Instagramin e saj në vitin 2017.
Sipas dokumenteve gjyqësore të paraqitura nga “Splash News” dhe “Picture Agency”, ata janë poseduesit ekskluziv të fotos, ku Jennifer shfaqet së bashku me Alex Rodriguez.
Sipas tyre, Lopez e përdori atë pa autorizim ose leje prej tyre. Kompania pretendon se këngëtarja ishte njoftuar për shkeljen përmes përfaqësuesve të saj, me anë të një letre që daton në datën 12 Dhjetor 2017.
“Fotografia është krijuese, e veçantë dhe e vlefshme, por përdorimi i paautorizuar i saj dëmton tregun ekzistues dhe të ardhshëm për fotografitë origjinale”, shkruhet më tej në dokumentet e paraqitura.
Kompania po kërkon 150.000 Dollarë dhe një urdhër kundër Lopez dhe ekipit të saj, duke i ndaluar ata të postojnë sërish foton.
