Aktori i mirënjohur shqiptar, Blerim Destani duket se po arrin majat në karrierën e tij, me pjesëmarrjen në filmin “The Poison Rose” ku luan me disa nga aktorët më të mirë botërorë si John Travolta, Morgan Freeman, Kat Graham, Famke Janssen, etj.
Para vetëm 5 ditësh aktori i famshëm amerikan John Travolta ka publikuar trailerin e filmit në fjalë në llogarinë e tij në Instagram dhe nuk ka munguar një koment në formë emoji nga ana e Blerimit.
Siç mund ta shikoni edhe në foton e mëposhtme të bërë publike nga Destani, ky i fundit i ka dërguar një emoji me duar lart që nënkupton një bravo të madhe për suksesin dhe bashkëpunimin, ndërkohë nga ana tjetër aktori amerikan e ka falenderuar aktorin shqiptar.
