Dy deputetët Erion Braçe dhe Saimir Korreshi u kapën në një debat gjatë seancës së sotme parlamentare. Deputeti demokrat ironizoi deputetët e mazhorancës që shkojnë e takojnë fermerët në Lushnje e bëjnë “Selfie”.
Ndërsa Braçe ai ktheu që ka dhe shumë demokratë në atë sallë që kanë përfituar më shumë se socialistët dhe se ky vit nuk ka qenë i pasuksesshëm për bujqësinë.
Ndërsa Korreshi akuzoi mazhorancën se ka 12 vite që firojnë lekët për fermerët në Karavasta.
Erion Braçe: Të tregoj edhe ndonjë gjë tjetër ty unë! Në këtë sallë ka edhe demokratë që janë më shumë socialistë se demokratë se kanë përfituar me shumë se socialistët atje në Lushnje.
Saimir Korreshi: Më trego listën.
Erion Braçe: Do listën? Ti je i pari për shembull. Ajo që desha të thosha ka të bëjë me faktin se fenomenet natyrore nuk varen nga qeveria. Bie shi apo breshër sot nuk ka lidhje me ministrat apo kryeministrin. Detyra e qeverisë është të adresojë ndryshimet klimatike. Kur njëri këtu merrte shalqirin dhe i fuste kastravecin brenda unë flisja për ndryshimet klimatike.
Nëse në këtë sallë ka akoma njerëz që mendojnë se ky ishte vit i keq bujqësor nuk i ndihmoj dot. Kujt nuk i ka pëlqyer shalqiri, pastaj rrushi e domatet le të presë sezonin e preshit se është shumë afër.
Saimir Korreshi: E para unë nuk tu referova përveç inputeve bujqësore. Meqë je deputet i Divjakës dil edhe nga këneta e Karavastasë se ka 12 vite që rruhen lekët. Le të verifikohet nga ministrja kush janë ata që kanë marrë naftë dhe kush jo. Unë këtë po them. Pse iku ministrja e bujqësisë nuk jam për preshin e sallatorin.
