Kafeja mund të bëhet një luks i shtrenjtë, paralajmërojnë ekspertët – tregojnë edhe arsyet. Kafeja mund të bëhet një luks në gjithë botën pasi ngrohja globale kërcënon të lashtat aktuale dhe çmimet historikisht të ulëta po i largojnë fermerët nga biznesi.
Madje sipas mediave britanike, përcjell Telegrafi, ekspertët po bëjnë thirrje që bizneset të investojnë më shumë për të ndihmuar kultivuesit e kafesë të blejnë mjete dhe bimë të reja për të vazhduar kultivimin e të lashtave të tyre.
Temperaturat ekstreme, lagështia në rritje dhe çmimet e tregut po detyrojnë prodhuesit e kafesë në Peru të kthehen në burime të tjera të të ardhurave. Në të njëjtën kohë, sëmundjet dhe dëmtuesit po shkaktojnë korrje gjithnjë e më të vogla dhe me cilësi më të ulët.
