Një aksident rrugor ka ndodhur dje në zonën e njohur si “Rotondo e Levanit”, ku një kamion ka dalë nga rruga dhe ka përfunduar në kanalin anësor.
Burime nga vendngjarja bëjnë me dije se bllokimi i timonit gjatë lëvizjes ka shkaktuar humbjen e kontrollit nga ana e drejtuesit të mjetit, i cili nuk ka mundur të manovrojë për të shmangur devijimin e papritur të kamionit.
Fatmirësisht, drejtuesi i kamionit ka dalë pa lëndime, ndërsa dëmet materiale janë të konsiderueshme. Kamioni, i ngarkuar me enë kuzhine, ka pësuar dëmtime të shumta si pasojë e përplasjes dhe rënies në kanal.
Në vendngjarje kanë mbërritur menjëherë forcat e policisë dhe grupi hetimor, të cilët po punojnë për zbardhjen e plotë të shkaqeve të aksidentit. Ende nuk dihet nëse incidenti është shkaktuar nga defekt teknik apo nga ndonjë faktor tjetër.
