Kreu i opozitës kanadeze, Andrew Scheer njoftoi sot dorëheqjen e tij nga kryesimi i Partisë Konservatore. I zgjedhur në këtë post në maj të vitit 2017, Scheer është kritikuar hapur brenda partisë së tij që prej dështimit të formacionit në zgjedhjet legjislative të 21 tetorit. “E kam marrë këtë vendim sepse është gjëja më e mirë për partinë tonë”, njoftoi Scheer për deputetët e Dhomës së Komuneve pas një takimi të grupit të tij parlamentar. Ai theksoi gjithashtu se do t’i kërkonte Këshillit Kombëtar të Partisë Konservatore të organizonte sa më shpejt zgjedhjen e pasardhësit të tij.
KANADA – Jep dorëheqjen kreu i opozitës, Andrew Scheer
