Vitin e fundit, bizneset kanë marrë 22% më shumë kredi të re për kapital qarkullues dhe 20% më shumë kredi të re për investime në pasuri të paluajtshme, krahasuar me një vit më parë dhe kjo rritje ka dhënë ndikimin kryesor në ndryshimin vjetor të stokut të kredisë për këto kategori. Banka e Shqipërisë evidenton se, gjatë viteve të fundit janë vërejtur ndryshime në strukturën e kredisë për bizneset.
Sipas BSH-së, kategoritë “overdraft” dhe “kredi për blerje pajisjesh” kanë regjistruar rritje të portofolit në monedhën vendase dhe pakësim të portofolit në monedhë të huaj. Në stokun e kredisë për investime në pasuri të paluajtshme është vërejtur zgjerim i kredisë së dhënë në valutë dhe tkurrje e stokut të kredisë në lekë.
