Katër shqiptarë janë shpallur fajtorë nga një gjykatë në Angli pasi kanë pranuar se kanë punuar në një fermë kanabisi. Nga kontrolli i policisë u gjetën më shumë se 1,000 rrënjë kanabisi dhe shqiptarët pranuan se ata punonin aty si “kopshtarë”.
- Edi Cepele, 28 vjeç, 27-vjeçari Erjo Cepele, 29-vjeçari Andi Kola dhe Mikel Xhafa, 19 vjeç, u deklaruan fajtorë në Gjykatën e Preston Croën.
Avokatët mbrojtës të tyre i thanë gjykatës se ata punonin si ‘kopshtarë’ në ish-qendrën e trajnimit Rathbone në Abbey Road. Ata pranuan se kishin prodhuar drogë të klasit B nga 30 shtatori i vitit të kaluar deri në 1 prilli të këtij viti.
Seanca e radhës për dhënien e dënimeve ndaj tyre është planifikuar të mbahet më 7 gusht. Mediat britanike raportojnë se ndërtesa të cilën shqiptarët e kishin kthyer në “shtëpi bari” ndodhej përballë gjykatës së Magjistraturës së Barrow.
