Një aksident me pasojë vdekjen e një 60-vjeçari ka ndodhur mbrëmjen e kësaj të enjtje në Kavajë. Mësohet se këmbësori me iniciale L.D, po kalonte rrugën në momentin kur një makinë e ka përplasur. Si pasojë e aksidentit, 60-vjeçari ka humbur jetën në vendngjarje.
Njoftimi Me datë 02.12.2021, rreth orës 19:00, në bypass-in e Rrogozhinës, në afërsi të rrethrrotullimit “Teqja”, mjeti me drejtues shtetasin Zh. I., ka aksidentuar këmbësorin shtetasin L. D., 60 vjeç.
Si pasojë e aksidentit, shtetasi L. D., ka humbur jetën në vendngjarje. Drejtuesi i mjetit është shoqëruar në Komisariatin e Policisë Kavajë për veprime të mëtejshme procedurale.
