Këngëtarja australiane Sia Furler, ka zbuluar përmes një postimi në Twitter se ajo vuan nga një sëmundje kronike neurologjike, prej së cilës ka dhimbje të vazhdueshme.
“Përshëndetje, po vuaj nga një dhimbje kronike, një sëmundje neurologjike, Ehlers-Danlos dhe dua t’u them atyre që vuajnë nga dhimbja, qoftë fizike ose emocionale, ju dua, vazhdoni përpara. Jeta është jashtëzakonisht e vështirë. Dhimbja është demoralizuese dhe ju nuk jeni vetëm”, shkruan Sia në postimin e saj.
Në daljet e saj publike, Furler vendos gjithmonë një paruke për të fshehur fytyrën dhe për të ruajtur privatësinë. Edhe më herët, ajo ka pranuar varësinë e saj nga droga dhe alkooli.
Sindroma që këngëtarja është duke kaluar, sipas Institutit Kombëtar të Shëndetit të SHBA, prek 1 në 5000 njerëz. /tvklan.al
