Teksa ka komentuar pretendimin e deputetes Rudina Hajdari se është kërcënuar, gazetari investigativ Artan Hoxha është shprehur se Garda nuk ka konstatuar ndonjë gjë të dukshme pasi kërcënimi mendohet se ka ndodhur brenda në zyrë dhe aty nuk ka kamera sigurie.
“Në të gjithë rastet më thanë që Garda nuk ka konstatuar ndonjë gjë të dukshme. Problemi është që në zyrat e Kryesisë kamerat janë në korridor. Në zyrat e brendshme nuk ka kamera. Kërcënimi ka ndodhur brenda zyrës. Aty duket se ka një konflikt për drejtimin e grupit opozitar. Fakti që zonja Hajdari kërkon që të kontrollohen deputetët ka diçka, mos të të duket çudi që shkojnë edhe me pis.toleta. Është verbal por nuk ka pasur vërtetë kërcënim. Figuron vetëm që një grup personash kanë hyrë në zyrë,“-tha Hoxha në “Opinion”.
