Ditën e sotme Policia e Tiranës ka bërë të mundur arrestimin në flagrancë të tre personave, ku u kapën duke transportuar lëndë drusore pa dokumentacionin përkatës.Sipas Policisë ndaj tre personave ka nisur procedimi penal. “Specialistët për Hetimin e Krimit në Komisariatin e Policisë Nr. 4, bazuar dhe në informacionet e marra në rrugë operative se në rrugën e Dajtit, disa persona po transportonin lëndë drusore pa dokumentacionin përkatës, dhe në vijim të kontrolleve të ushtruara, konkretisht në guroren e ish-minierës, kanë konstatuar 3 automjete të ngarkuara me 12m3 lëndë drusore, për të cilën drejtuesit e mjeteve nuk dispononin dokumentacionin përkatës”.
Në përfundim të veprimeve filloi procedimi penal në gjendje të lirë për shtetasit S. H., 25 vjeç, E. M., 23 vjeç dhe L. C., 54 vjeç dhe materialet i kaluan Prokurorisë Pranë Gjykatës së Shkallës së Parë Tiranë, për veprën penale “Prerja e paligjshme e pyjeve”.
