Trupi i një veterani të Marinës amerikane është gjetur i vdekur brenda banesës së tij në Dallas, Teksas dhe besohet të ketë qëndruar atje për tre vjet. Familja e Ronald Wayne White tha se kishin raportuar disa herë mungesën e tij tek autoriteteve. Trupi i tij u zbulua gjatë një hetimi të njësive të apartamenteve, qiramarrësit e të cilëve nuk kishin përdorur ujë. Stafi që shpërtheu derën e shtëpisë e gjeti trupin e tij të vdekur në kuzhinë.
Ronald White thuhet se ishte 51 vjeç në vitin 2016 kur besohet të ketë ndërruar jetë. Pas largimit nga Marina amerikane, ai ka punuar me shërbimet ushtarake dhe jetonte vetëm. Nëna e tij, Doris Stevens, e cila jeton në Long Island në New York, tha se djali i saj kishte kontaktuar rregullisht me të, por thirrjet e tij ndaluan tre vjet më parë.
