Më 22 qershor, autoritetet shqiptare njoftuan rinisjen e fluturimeve për të gjithë shqiptarët që janë rezidentë në BE ose nënshtetas europianë drejt Shqipërisë, ose anasjelltas. Mirëpo, një emigrant shqiptar që jeton në Gjermani, ka nxjerrë në pah problematikat që “Rilindja” përpiqet t’i fshehë në lidhje me fluturimet.
Ai ka dërguar një mesazh në redaksinë e JOQ Albania, ku tregon se kishte biletën për sot për një udhëtim në itinierarin Dusseldorf-Tiranë, me Air Albania, por kur është paraqitur në aeroport nuk i kanë dhënë asnjë sqarim dhe fluturimi nuk është kryer. Shqiptari thekson se sapo ka treguar pasaportën shqiptare në aeroport, punonjësit nuk kanë marrë mundimin as t’i kthejnë përgjigje. Ai shton se ka prerë biletën edhe për një udhëtim tjetër nesër dhe nëse nuk e lejojnë do djegë pasaportën.
Denoncimi i plotë: Ja kryeministri preni bileta thote, shkojm ne aeroport as nuk pyt kush se a jemi njerez a kafsh. Te gjitha te prera biletat dhe asnje fluturim. Shofin pasaporten dhe asnje sqarim nuk ta japin. Neser kam nje udhetim tjeter e nese sme lejne do e djeg pasaporten ne aeroport e do ju dergoj video. Nuk e merrnin mundimin fare me kthy pergjigje sa shifnin pasaporten.
