Klaudia Marko, me detyrë kryesekretare e Gjykatës së Lezhës u raportua e zhdukur ditën e sotme nga bashkëshorti i saj. 34-vjeçarja që prej mbrëmjes së djeshme nuk është kthyer në shtëpi tek bashkëshorti dhe dy vajzat e tyre, ndërkohë nuk ka komunikuar as me dikë të afërt të familjes. Për zhdukjen e saj reagoi dhe policia, e cila njoftoi se vijon puna për gjetjen. Pistat ku po hetohet mund të jenë per shkak të detyrës por nuk përjashtohen dhe problemet familjare.
Njoftimi i policisë: Më datë 06.04.2022, rreth orës 23:00, ka njoftuar sallën operative të Drejtorisë Vendore të Policisë Lezhë dhe më pas ka bërë kallëzim në Komisariatin e Policisë Lezhë, shtetasi O. M., 38 vjeç, banues në Lezhë, për largimin nga banesa, të bashkëshortes së tij, shtetases K. M., 34 vjeçe.
Menjëherë, pas administrimit të kallëzimit, është bërë shpallja e kërkimit policor e kësaj shtetaseje dhe vijon puna për gjetjen e saj.
