Ndërsa sot pritej që Komiteti i Ekspretëve për COVID 19 të deklaronte karantinën totale përgjatë fundjavës, ‘treshja’ e përjavshme nuk e komunikoi në masat e ndërmarra për parandalimin e përhapjes së epidemisë së që ka pushtuar botën. Komiteti ka vijuar të përsërisë së qëndrojnë në fuqi masat e deritanishme, ndërsa zv. ministrja Rakacolli u pyet nga gazetarët se a qëndronte lajmi se ishte kryeministri Rama i cili nuk ka pranuar mbylljen totale në fundjavë dhe për shkak të impaktit në ekonomi dhe pse ishte propozuar si masë nga ky komitet.
“Komiteti i ekspertëve nuk e ka kërkuar këtë alternativë dhe për situatën ku jemi nuk është e justifikuar”, tha Rakacolli duke e mohuar një fakt të tillë. Ndërkohë zv.ministrja foli dhe për testet e shpejta të cilat priten të mbërrijnë brenda dhjetorit pasi janë bërë të gjitha protokollet se si do të përdoren. Ne deklarimin e sotëm Komiteti i Ekspertëve vendosi të mos bëjë shtrëngime të mëtejshme duke lene në fuqi ekzistueset:
“Komiteti i Ekspertëve bëri një analizë të thelluar në mbledhjen që u mbajt sot, masat do të vijojnë të jenë njësoj si ato të tre javëve që lamë pas, pasi në javën e fundit ka pasur një ulje të rasteve. Ndalohen grumbullimet e më shumë se 10 personave, mbledhjet partiake, ceremonitë mortore jashtë familjes. Do të vijojë të jetë në fuqi ora policore pas 22 të mbrëmjes deri në 06 të mëngjesit.
Këto masa do të jenë në fuqi për një afat të pacaktuar dhe në rast se do të ketë një përkeqësim të situatës ato do të rishikohen. Sa i takon mënyrës sesi qytetarët shqiptarë do ti kalojnë festat, Rakacolli tha se është herët për të folur për këtë , pasi situata e Covidit është shumë dinamike. “Jemi akoma disa javë larg Krishtlindjeve, situata ndryshon në vazhdimësi. Fakti që ndalohen grumbullimet është pa afat, kështu që ne shpresojmë që masat të kenë më shumë efekt”, tha Rakacolli.
