Kompania “Island Express” që ishte pronare e helikopterit të tipit “Sikorsky S-76B”, ka ndalur të gjitha veprimet biznesore pas tragjedisë që la të vrarë nëntë persona, përfshirë Kobe Bryantin dhe bijën e tij 13-vjeçare, Gianna. Kjo nënkupton se fluturimet e planifikuara dhe ato të së ardhmes, janë pezulluar të gjitha me efekt të menjëhershëm.
“Të gjitha shërbimet u pezulluan pas aksidentit tragjik të së dielës së 26 janarit. Kjo ka prekur stafin dhe menaxhmentin e kompanisë, e cila ka vendosur të ndërprejë aktivitetet për sa kohë që e konsideron të përshtatshme për stafin dhe klientët”, thuhet në njoftim nga kompania.
Në anën tjetër, ende është duke u hetuar vdekja dhe shkaqet që e shkaktuan atë, derisa dyshohet nëse piloti kishte leje për fluturim në mjegull.
