Një kondukter në Kajro ka detyruar udhëtarët pa bileta që të hidhen nga treni, dhe si pasojë ka vdekur një person, shkruan Gazeta Metro.
Kjo ngjarje ndodhi mbrëmë në qytetin Tanta dhe ndezi zemërim të publikut pasi pamjet e kamerës ku ai shihet duke u fjalosur me pasagjerët, u postuan në internet dhe u bënë virale. Në rrjetet sociale janë parashtruar edhe kërkesa për dorëheqjen e ministrit egjiptian të transportit, shkruan AP.
Zyrtarët e hekurudhave kanë thënë se konduktori u kishte kërkuar të rinjve që t’i paguanin biletat, por ata nuk kishin pranuar, pas së cilës ai ua kishte hapur derën e vagonit që ata të hidheshin jashtë. Bëhet e ditur se ai do të qëndrojë në paraburgim deri në fund të hetimit.
