Aksident në rrugën që lidh Fushë-Krujën me Ishmin. Përplasja e dy makinave ka ndodhur në afërsi të fshatit Mazhë.
Dy makina tip ‘Benz’ janë përplasur me njëra-tjetrin dhe sipas dëshmitarëve okulare janë plagosur tre persona të cilët janë dërguar në spitalin e Traumës në Tiranë në gjendje të rëndë.
Njëri nga të plagosurit është identifikuar si Mëhill Muça 58 vjeç, nga fshati Mallkuç.
Drejtuesi i njërit prej makinave ‘Benz’, atij me targe AA 725 RK nga Ishmi me mbiemër Visha ishte duke dërguar të vëllanë për në spitalin e Krujës dhe po udhëtonte me shpejtësi të madhe.
Si pasojë e shpejtësisë ka goditur ‘Benz-in’ tjetër me targe AA 704 PP me drejtues Mëhill Muçën, duke mbetur të plagosur të tre.
