Një shpërthim me tritol ka ndodhur në një banesë në qytetin e Kamzës. Fatmirësisht nga ky shpërthim nuk ka patur të lënduar pasi në banesë nuk ka patur asnjë person. Banesës që i është vënë eksplozivi është në pronësi të Gjergj Kolës dhe ndodhet në rrugën “Mujo Ulqinaku”, në Kamëz. Ngjarja ka ndodhur rreth orës 22:14, ndërsa policia njofton se lënda plasëse që ka shpërthyer ka qenë sasi e vogël.
Dyshohet se shkaku i këtij sulmi me eksploziv ka ardhur si pasojë e konflikteve të mundshme familjare që Gjergj Kola ka patur. Ndërkohë policia po heton në lidhje me zbardhjen e plotë të ngjarjes si dhe kapjen e autorëve.
