Mëngjesin e sotëm 8 persona kanë mbetur të plagosur nga një sherr mes shqiptarëve në Trieste të Italisë. Të shtëna me armë zjarri janë dëgjuar në mes të Triestes, ku të përfshirë kanë qenë shtetas kosovarë dhe shqiptarë.
Sipas mediave italiane, ngjarja ka ndodhur jashtë një lokali në rrugën Carducci në qendër të qytetit, ku janë plagosur rreth 8 persona, njëri prej të cilëve në gjendje të rëndë.
Sipas informacioneve paraprake ngjarja ka ndodhur si pasojë e një mosmarrëveshje për çështje pune dhe situata ka dalë jashtë kontrollit ku pas debatit verbal ka filluar përplasja fizike. Dy persona tentuan të arratiseshin dhe mësohet se gjatë ndalimit të tyre nga policia ka pasur sërish të shtëna.
