Erigers Mihasi, 32 vjeç, mbeti i vrarë në një atentat mafioz që iu bë mbrëmjen e së shtunës në Tiranë, në zonën e Astiri.I vdekur mbeti dhe miku i tij, pasagjeri që ndodhej në mjet Armando Dumani.
Një shok i Mihasit, ka dhënë dëshminë e tij në Polici dhe është shprehur se i riu ishte shumë i kujdesshëm. Madje, sipas tij, Erigersi kontrollonte deri në 4 makina mbrapa kur dilte në lëvizje. Gazetarja Klodiana Lala ka zbardhur një pjesë nga dëshmia e shtetasit A.H, i cili është shprehur para hetuesve se Eriger Mihasi kishte muaj që nuk ulej më në lokale. “Erigersi ishte shumë i kujdesshëm kur lëvizte, kontrollonte deri me 4 makina mbrapa. Kishte disa muaj që nuk ulej në lokale, por kur dilte me ta lëvizte me makinë”, ka thënë shoku i v iktimës.