Policia e Korçës ka proceduar penalisht një efektiv policie, pasi u përfshi në një sherr të ndodhur mes një grup të rinjsh. Mësohet se polici, E.J 21 vjeç ishte jashtë shërbimit, në momentin e ngjarjes.
Sipas informacioneve zyrtare, i riu ka ndërhyrë në konfliktin mes 2 rinjve duke nxjerr armën e shërbimit, pa u prezantuar si punonjës i policisë. Ai gjithashtu nuk ka bërë as deklarimin e ngjarjes, duke bërë që ndaj tij të nis procedimi penal për “shpërdorim të detyrës”.
Penalisht është proceduar edhe shtetasi A. K., i cili ka dëmtuar me sende të forta E.Sh 23 vjeç, banues në Korçë, i cili u dërgua në Spitalin e Traumës Tiranë.
