Shqiptarja Nelli Syupyur, me profesion koreografe e cila jeton në Kiev, ka përshkruar përmes një videoje të publikuar në facebook, momentet e tmerrit nga bombardimi rus mbi Ukraninën. Ajo thotë se kufijtë janë të mbyllur dhe se situata është shumë e rëndë, ndërsa të gjithë po jetojnë me ankth këto momente tmerri.
“Përshëndetje për të gjithë. Tani jam këtu në Ukrainë dhe ishte pak situatë e rëndë. Kufijtë janë të mbyllur. Mund të marrësh para por më shumë nuk punon ose kur punon ka shumë radhë.
Shumë presin të dalin nga kufiri ukrainas. Po bëhet një korridor për fëmijët dhe të moshuarit. Burri im duhet të shkonte në ushtri, në luftë. Shpresoj se do të mund të ikim nga Ukraina. Në të gjithë Ukrainën ka shqiptarë plot”, tha Syupyur.
