Një mjek kinez ka ndërruar jetë pasi u infektua me COVID-19. Hu Weifeng, urolog në Spitalin Qendror Wuhan, vdiq të premten pasi u trajtua për Covid-19 dhe sëmundje të tjera shoqëruese për më shumë se katër muaj. Ai është mjeku i gjashtë nga Spitali Qendror Ëuhan që ka vdekur nga virusi, i cili shpërtheu në qytetin qendror kinez në fund të vitit të kaluar.
Gjendja e Hu u bë një shqetësim kombëtar pasi mediat kineze treguan imazhe të tij me lëkurën të zezë për shkak të dëmtimit të mëlçisë. Doktori tjetër Yi Fan tregoi simptoma të ngjashme, por u shërua dhe ka dalë nga spitali. Urologu kinez ishte mik i mirë i Li Wenliang i cili kishte folur i pari dhe kishte zbuluar se bëhet fjalë për një virus të quajtur COVID-19 që po përhapet nëpër botë.
