Shënohet viktima e katërt në Itali nga koronavirusi. Viktima është një 84-vjeçar nga Bergamo. Numri i infeksioneve mbetet 153 : 111 në Lombardi, 21 në Veneto, 9 në Emilia-Romagna, 3 në Piemonte, 3 në Trentino dhe 2 në Lazio, përfshirë tre të vdekurit dhe një person i shëruar.
Autoritetet kanë izoluar 11 bashki midis Lombardisë dhe Venetos, në zonat e shpërthimeve. Në zonën e Lodit, policia bllokoi zonat e hyrjes dhe daljes, duke njoftuar shoferët se sapo të hynin në bashki, ata nuk do të mund të dilnin dhe anasjelltas.
Në Vo ‘Euganeo (Padova), ku u regjistrua viktima e parë, masat e mbrojtjes së “zonës së kuqe” fillojnë në orën 7. Mbi 50 mijë njerëz janë vendosur në karantinë në komunat e izoluara.
Lajmi është në përditesim të vazhdueshëm
Ora 11:00 Shumë pranë identifikimi i pacientit zero që përhapi koronavirusin
Mund të ketë një pikë kthese në identifikimin e “pacientit zero” të mundshëm që përhapi koronavirusin në Euganeo. Një fermer 60-vjeçar nga një qytet i afërt, Albettone (Vicenza), kishte qenë në Codogno dhe qendra të tjera në zonën e Lodmbardisë dhe tani ka simptoma të kollës dhe gripit. Ansa e mësoi nga kryetari i Vo ‘, Giuliano Martini. Sipas informacioneve nga media italiane dgcom24, është njoftuar autoriteti lokal shëndetësor dhe kryetari i komunës Albettone për verifikimin e saktë.
Ora 9:00 Shkon në 203 numri i të infektuarve me koronavirus në Itali
Komisioneri i jashtëzakonshëm i emergjencës, Angelo Borrelli, ka deklaruar se në rajonin e Lombardisë numri i të infektuarve me koronavirus ka arritur në 165. Me 22 raste në Veneto, 9 në Emilia Romagna, 6 në Piemonte dhe 1 në Romë ka gjithsej 203 raste të konfirmuara në Itali. Italia është vendi i tretë më i madh në botë për nga numri i të infektuarve me koronavirus, pas Kinës dhe Koresë së Jugut.
Ora 8:00 Viktima e katërt në Itali nga koronavirusi
Viktima ishte një 84-vjeçar nga rajoni i Lombardisë.
07:50 Austria heq bllokimin e tranzitit të trenave drejt Italisë
Bllokada e trenave midis Italisë dhe Austrisë në Pass Brenner është hequr, raportoi linja hekurudhore austriake në Twitter.
“Nga e hëna mund të udhëtoni përtej Pass Brenner. Kushdo që nuk dëshiron të udhëtojë në Itali mund të anulojë biletën e tij për Italinë e vlefshme për 24 shkurt 2020”, thanë hekurudhat.
Masa ishte marrë nga Ministria e Brendshme austriake pas lajmeve për dy raste të dyshuara në një tren të lidhur për Mynihun dhe bllokuar në Pass Brenner.
Deri të dielën e 23 shkurtit u raportuan 3 viktima dhe 133 te infektuar
