Kosova ka raportuar 914 raste pozitive me koronavirus, që paraqet numrin më të madh të rasteve pozitive këtë vit me tendencë të rritjes ditëve në vijim. Vetëm në Prishtinë janë raportuar 302 raste pozitive.
Brenda 24 orëve janë raportuar po ashtu 10 vdekje për një total prej 1840 fatalitetesh. Pas shifrave të sotme, numri total i rasteve pozitive është 87,981 kurse i atyre aktive 13,726.
Gjatë 24 orëve të fundit, janë shëruar 602 pacientë ndërsa numri i përgjithshëm i të shëruarve deri më sot është gjithsej 72.415 raste.
