Kolegji i Posaçëm i Apelimit ka shtyrë sërish seancën për gjyqtaren Enkeleida Hoxha, e cila ishte planifikuar të mbahej ditën e sotme. Shkak i këtij vendimi është bërë mungesa e avokatit të saj Ardian Visha, i cili ka axhendë të ngjeshur për sot.
Javën e kaluar, Gjykata Kundër Korrupsionit dhe Krimit të Organizuar dënoi me tre vite burg gjyqtaren e Krujës. Për shkak të gjykimit të shkurtuar, ajo do të kryejë dy vite dënim në burg.
Enkeleida Hoxha u arrestua më 11 shkurt 2021, me urdhër të SPAK (Prokuroria e Posaçme Kundër Krimit të Organizuar dhe Korrupsionit). GJKKO e shpalli fajtore pasi ka përfituar ryshfete duke reduktuar dënimet ose duke liruar persona të rrezikshëm që kanë kryer vepra të rënda penale. Me vendimin e saj u liruan Genc Tafili, Ilir Paja, etj. Ajo u arrestua me urdhër të Strukturës së Posaçme Antikorrupsion në 11 shkurt 2021.
