Këngëtarja Miriam Cani ka disa kohë që është shkëputur nga muzika. Ajo i është përkushtuar rritjes së fëmijëve të saj, Ameli dhe Duamin. Mirëpo, duket se Miriami ka vendosur të rikthehet me një projekt të ri muzikor. Këngëtarja e ka zbuluar përmes një postimi në ‘Instastory’, ku shfaqet në një studio muzikore me këngëtarin dhe kantautorin Elgit Doda.
“E lumtur, e lumtur, e lumtur”, ka shkruar Miriami krah postimit të saj në rrjetet sociale. Nuk dihet ende nëse ajo do të shfaqet me një projekt me ritëm muajt e nxehtë të verës apo do të sjellje një baladë. Gjithçka pritet të zbulohet në vijim.
