Categories Sport

Kristjan Asllani kryefjalë në Itali, talenti shqiptar po fiton besimin e Inzaghit

E përditshmja prestigjioze italiane “Gazzetta Dello Sport” i kushton mesfushorit shqiptar Kristjan Asllani një shkrim ku shpjegon se si futbollisti i kombëtares kuqezi po rritet tek Interi, duke marrë në referencë ndeshjen e fundit me Romën. Nga Roma te Roma, Kristjan Asllani mbyll rrethin dhe riniset. Protagonist negativ në sfidën kundër verdhekuqve vitin e kaluar, kur përfundoi me fitoren me përmbysje të skuadrës së Mourinhos, shqiptari u hakmor në fundjavën e kaluar. Falë një çerek orëshi të shkëlqyer që kontribuoi në fitoren zikaltër. Rikuperim i shpejtë, kokën lart dhe pasimi i gjatë për të gjetur Dimarcon.

Me aksionin që u kurorëzua nga goli i Thuram. Kështu Asllani frymëzoi aksionin që i dha oksigjen Interit pas 81 minutave në sulm. Duke shpërblyer besimin që Inzaghi i dha pas vitit të parë në Milano të shënjuar nga ulje ngritje. Në fund të ndeshjes meritoi komplimentet e turkut Calhanoglu dhe të Inzaghit. Vendimi i tij për të futur 21-vjeçarin në vend të Calhanoglusë thotë shumë mbi besimin e trajnerit.

Të cilit nuk i ka shpëtuar nga syri progresi i ish-lojtarit të Empolit në vitin e fundit. Këmbët këtë herë nuk ju drodhën, siç ndodhi një vit më parë në 77 minutat e para si titullar me fanellën zikaltër. Atëherë shkoi keq , këtë herë edhe pse për vetëm për nja 20 minuta, përgjigja ishte krejt tjetër. Edhe pse në një situatë jo dhe aq të thjeshtë. “Dua të ndihem edhe më shumë protagonist dhe të punoj fort. Trajneri po më beson edhe në ndeshje kaq të rëndësishme dhe e falënderoj“, shpjegon Asllani. Pak më shumë se një muaj më parë, në vigjilje të debutimit sezonal në Champions, Inzaghi shpjegonte se shqiptari ishte “një lojtar i rëndësishëm dhe i gatshëm për të qenë titullar”.

Kundër Romës trajneri mori përgjigje të reja dhe të rëndësishme. “Të mësoj nga një kampion si Calhanoglu është një privilegj, më ndihmon shumë“, shtoi Asllani. Inzaghi ka vendosur ta modelojë në rolin e regjisorit. Duke e vënë të studiojë nga dikush që prej një viti ka marrë çelësat e mesfushës zikaltër. Dhe Asllani po e bën në mënyrë perfekte duke u përpjekur të kuptojë çdo sekret. Që nga trajneri e te drejtuesit, në shtëpinë zikaltër ekziston bindja se Asllani mund të bëhet një pikë fikse e mesfushës së të ardhmes. Përmes një rrugëtimi rritjeje që ka nevojë të kalojë nga një impenjim më i madh dhe nga më shumë përgjegjësi.

Prezencat në krahasim me sezonin e kaluar pas 13 ndeshjeve të para mes kampionatit dhe Championsit janë të njëjtat, 8. Por deri tani Asllani ka gjetur më shumë hapësirë në arenën europiane. Duke koleksionuar 75 minuta në fushë në tri impenjimet e para të fazës në grupe, në krahasim me vetëm 15 minuta që kishte luajtur sezonin e kaluar.

Deri tani e vetmja herë ku ka shkuar dëm ishte në “Sebastian”, por ku e gjithë skuadra përjetoi një mbrëmje të komplikuar. Objektivi minimal është të paktën të përsërisë 29 prezencat e regjistruara vitin e kaluar në Milano, duke rritur minutazhin në krahasim me 858 minutat në total të një viti më parë. Por me këtë hap kjo nuk do të jetë një problem. Nëse Asllani do të jetë ai që u pa në çerek orën e fundit kundër Romës, do të nisë ta shohë fushën me më shumë vazhdimësi.

Leave a Reply

Your email address will not be published. Required fields are marked *

Lexoni Gjithashtu

Categories Sport

Presidenti i La Ligas e bën të kryer, Mbappe do t’i bashkohet Real Madridit

Për presidentin e La Ligas, Javier Tebas, kalimi i Kylian Mbappes te Real Madridi është…

LEXO ME SHUME
Categories Sport

“Deja Vu”/ Roma likuidon Feyenoord pas llotarisë së penalltive

Roma ka eleminuar Feyenoord në sfidën e vlefshme për fazën e knock-out në Europa League.…

LEXO ME SHUME
Categories Sport

Barcelona dëshiron të mbyllë sa më parë transferimin në “Camp Nou” të kolumbianit 20 vjeçar Yaser Asprilla

Barcelona dëshiron të mbyllë që këtë pranverë transferimin në “Camp Nou” të talentit 20-vjeçar kolumbian…

LEXO ME SHUME
Categories Sport

Mbrëmje emocionuese! Sa shumë raste shënimi, Interi triumfon në “aktin” e parë ndaj Atletikos së Simeones

Mbrëmje emocionuese në “San Siro”, Interi triumfon ndaj Altetiko Madridit, me rezultatin 1-0 në sfidën e vendosur nga goli i Marko Arnautoviç në minutën e 79-të.  “Ziklatërit” dikuan ritmin e…

LEXO ME SHUME
Categories Lajme Sport

Bastet sportive– Ja kush fiton vërtetë nga ligji i ri

Ligji për bastet sportive, i cili teknikisht mundet t’i rikthejë ato në treg pas më…

LEXO ME SHUME