Presidenti i Turqisë, Rexhep Taip Erdogan ka nisur një vizitë dy-ditore në Rusi, ku do të ketë takime me homologun e tij, Vladimir Putin, dhe pritet që dy liderët së bashku do të marrin pjesë edhe në mbledhjen e Këshillit bilateral për bashkëpunim në nivel të lartë.
Pritet që temë kryesore e bisedimeve ndërmjet Putinit dhe Erdoganit të jetë normalizimi i marrëdhënieve bilaterale, të cilat u përkeqësuan pas rrëzimit të aeroplanit rus Su-24 nga ana e forcave turke mbi kufirin ndërmjet Turqisë dhe Sirisë në nëntor të vitit 2015.
Në bisedime diskutohet edhe në kuadër të planeve për rritjen të këmbimit bilateral tregtar, ndërkohë bëhet e ditur se presidenti turk do të jetë i shoqëruar nga Ministri i Punëve të Jashtme, Mevlut Çavusoglulu, Ministri i Energjisë dhe Resurseve Natyrore, Fatih Donmez, Ministri i Mbrojtjes, Hulusi Akar, ministri i Bujqësisë Bekir Pakdemirli, shefi i inteligjencës turke MIT, Hakan Fidan, dhe disa diplomatë të tjerë që do të jenë pjesë e këtij delegacioni.
Në mesin e temave bilaterale për të cilat do të bisedohet, pritet të jenë edhe projektet për ndërtimin e gazpërcjellësit “Rrjedha turke” dhe të centralit bërthamor “Akkuju” në Turqinë jugore, si dhe planet e Ankarasë për furnizim të sistemeve kundërajrore ruse të llojit S-400.
Nga temat ndërkombëtare pritet që çështje kryesore të jetë kriza në Siri dhe lufta kundër grupit xhihadist Shteti islamik dhe terrorizmit.
Burime nga delegacioni turk paralajmërojnë se Erdogan do të shtrojë për diskutim edhe çështjen për raportin ndaj forcave të kurdëve sirianë, të cilët Ankaraja i akuzon për lidhje me Partinë punëtore kurde (PKK).
Ky takim vjen pas në një kohë kur presidenti i Shtetëve të Bashkuara Donald Trump ka deklaruar më herët për tërheqjen e trupave amerikane nga Siria, ku secili nga vendet kanë rënë dakort për krijimin e opoeracioneve të përbashkëta në terren.
