Kryetarja e LSI-së Monika Kryemadhi vijon sërish të lëshojë sinjale bashkëpunimi me kryetarin e bashkisë së Tiranës Erion Veliaj. Rasti më i fundit ishte në emisionin “Dritare” në News24 ku ajo u shpreh: “S’mund të them që Erjon Veliaj s’ka punuar, por kryebashkiaku i Tiranës ka edhe mëkate”.
Për diversion apo ka vërtet sinjale të tilla, Kryemadhi tha se Veliaj mund të zërë shumë më shpejt vendin e Ramës në krye të qeverisë.
“Veliaj mund të jetë edhe kryeministër para zgjedhjeve. Rama mund të jetë kostoja e kësaj situate dhe socialistët s’kanë pse të bëhen pis me trafikun e drogës, etj. Treçereku i PS vijnë qahen te unë dhe janë gati ta rrëzojnë Edi Ramën.
Opozita e ka shansin 100% për të fituar jo vetëm në Tiranë, por kudo. Veliaj është një njeri që punon me një program, i cili i ka ecur. Në të gjithë historinë e tij ka gabuar me Teatrin dhe kjo nuk do t’i ndahet gjatë gjithë jetës – shtoi kryetarja e partisë së dytë më të madhe të opozitës.
