Kryeministri i Britanisë, Boris Johnson pritet të njoftojë mbrëmjen e sotme masa të rrepta izolimi për të gjithë Anglinë pas shpërthimit të rasteve të reja nga varianti i ri i koronavirusit. BBC raporton se mund të rikthehet izolimi njësoj si në Mars kur e gjithë bota u godit nga pandemia.
Masat shtrënguese pritet që të përfshijnë mbylljen e shkollave dhe izolimin e punonjësve që nuk bëjnë punë të domosdoshme. Pra kushdo që mund të vazhdojë punën nga shtëpia, do ndjekë këtë proces. Të tjerët do të jenë të detyruar të respektojnë distancën sociale për tu mbrojtur nga koronavirusi. Johnson pritet të japë një deklaratë rreth orës 20:00 sipas orës lokale dhe të gjitha masat e ndërmarra mund të hyjnë në fuqi pas mesnatës.
