Categories Lajme

Kujdes nga lodrat me ngjyra! Alimehmeti: Përmbajnë plumb, i dëmshëm për shëndetin

Festat e fundvitit nuk mund të kuptohen pa dhuratat për fëmijët. Por lodrat shumë ngjyrëshe dhe me shkëlqime vezulluese mund të jenë të dëmshme për të vegjlit, kjo për shkak të nivelit të plumbit që përmbajnë.

Epidemiologu Ilir Alimehmeti kërkon të bëhet kujdes nga prindërit, pasi vendi ynë nuk ka asnjë kontroll për këtë situatë.

“Ku ndodhet plumbi? Është tek boja që lyhen lodrat. Lodra mund të jetë plastike, dru, po boja me të cilën lyhet mund të ketë përmbajtje plumbi dhe arsyeja pse përdoret është për ta pas lodrën më të bukur. E kuptoni që përkarshi një fasade thjesht për ta pasur më të bukur lodrën, të riskosh shëndetin e fëmijës, nuk bën sens. Kjo është një arsye kyçe për të pasur kontroll në këtë drejtim, për të pasur një veprim ligjor dhe me akte nënligjore në mënyrë që këto të evitohen dhe zhduken”, tha mjeku për Euronews.

Por plumbi nuk gjendet vetëm në lodra, ai është i pranishëm edhe në mjediset e shtëpisë, pikërisht në bojën e mureve. “Në momentin që kjo fillon, pluhuri degradon dhe bën të mundur ekspozimin e njerëzve ndaj saj. Këtu kemi një VKM të vjetër të vitit 2003, që rregullon këtë pjesë dhe thotë nëse ka përmbajtje plumbi mbi 0,155 të thuhet kujdes, përmban plumb dhe të mbahet larg fëmijëve. OK, me këtë bojë lyhet muri, a e mbajmë dot fëmijën larg murit apo pluhurave? Është e pamundur kjo”, shprehet Alimehmeti.

Por çfarë rreziku sjell plumbi në organizëm? “Mund te sjellë probleme të ndryshme, të të gjitha sistemeve, por veçanërisht tek fëmijët mund të shkaktojë probleme të mëdha me prapambetje mendore, çrregullime të sjelljes, probleme me vëmendjen kur të bëhet moshë shkollore, një pjesë e të cilave të evitueshme”, thotë epidemiologu.

Plumbi gjendet kryesisht në pigmentet e bojërave apo në ngjyrat e forta, ndaj dhe ekspertët kërkojnë që të evitohen sa më shumë ngjyrat jo vetëm në lodra, por edhe në lyerjen e apartamenteve.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME
Categories Lajme

Vihen nën kontroll flakët në Llogara, drejtori i zjarrfikëses: Zjarri patjetër që ka dorën e njeriut

Zjarri që ra pasditen e djeshme në Llogara është vënë nën kontroll, ndërsa po punohet…

LEXO ME SHUME
Categories Lajme

Detaje/ Euro, blloqe dhe telefona, çfarë iu sekuestrua Beqajt dhe bashkëpunëtorëve pas kontrollit në banesë dhe zyrë

Pas më shumë se një viti hetimesh, ish-ministri i Shëndetësisë Ilir Beqaj është vënë sot…

LEXO ME SHUME
Categories Lajme

SPAK rëndon pozitën e ish-kryebashkiakut Jorgo Goro, sekuestrohen 4 ha tokë në Himarë

Rëndohen akuzat ndaj Jorgo Goros, tashmë në burg. Prokuroria e Posaçme kundër Korrupsionit dhe Krimit…

LEXO ME SHUME
Categories Lajme

Tentuan të trafikonin kokainë nga Amerika Latine, si ranë në pranga 3 shqiptarët në Itali

Një tjetër goditje e rëndësishme ndaj trafikut të drogës është kryer Guardia di Finanza e…

LEXO ME SHUME