Një aksident i rëndë ka ndodhur mbrëmjen e sotme në autostradën Fushë Krujë-Milot, pranë kryqëzimit të Patakut.
Si pasojë e aksidentit, mësohet se ka humbur jetën një këmbësore, e cila po kalonte rrugën.
Policia bën me dije se se viktima është shtetasja me inicialet Xh.L.
E ndjera është ‘masakruar’ nga makina duke u bërë copa, ndërsa sipas dëshmitarëve, makina që e ka goditur është larguar nga vendi i ngjarjes me shpejtësi.
Njoftimi i policisë:
Kurbin
Informacion paraprak
Sot, rreth orës 17:30, në aksin rrugor Fushë Milot – Fushë Krujë, tek vendi i quajtur ” Kryqëzimi i Patokut” , ka ndodhur një aksident ku një mjet ka përplasur shtetasen Xh.L. 65 vjeçe, banuese në Sanxhak Kurbin, këmbësore në rrugë, e cila ka ndërruar jetë.
Grupi hetimor në vendngjarje nën drejtimin e Prokurorisë së Rrethit Gjyqësor Kurbin, vazhdojnë hetimet për zbardhjen e plotë të aksidentit./faxnews
