Mbrojtësi në radarët e Fiorentinës dhe Napolit Vetëm me disa nga ndeshjet e fundit në Serie A dhe ftesa e kombëtares shqiptare, e kanë bërë Marash Kumbullën, një prej lojtarëve që do të jenë në sytë e disa skuadrave të Serie A. 19-vjecari luajti 6 minuta në fitoren ndaj Moldavisë. Më herët në Kampionatin Italian ai debutoi me Veronën, duke luajtur përballë Juventusit dhe Milanit. Vec golit që realizoi ndaj Samdorias, Kumbulla ka treguar se është i sigurt, i vendosur dhe i saktë me ndërhyrjet e tij në elitën e futbollit italian.
Ai është rritur në ekipet e moshave të Akademisë së Veronas. Mediat italiane raportojnë se për mbrojtësin shtatlartë, po interesohet skuadra e Fiorentinës.
Ekipi vjollcë ka bërë gati planin që në muajin janar të tentojë bllokimin e kartonit të tij për të shmangur ndonjë surprizë të mundshme dhe në fund të sezonit ta afrojë në ekip qendërmbrojtësin shqiptar. Goli ndaj Sampdorias në Serinë A, ndeshjet e mira dhe debutimi me Shqipërinë kanë plotësuar si duhet paketën e një futbollisti të kompletuar, për të cilin sapo ka nisur ankandi. Në Itali nuk e përjashtojnë edhe interesimin e napolitanëve për 19-vjeçarin kuqezi. Tv Klan
