Kurora e gjelbër e Shëngjinit tashmë ka marrë një pamje të re, por të zymtë. Ngjyra jeshile i ka lënë vendin asaj kafe. Flakët nuk e kursyen, duke djegur sipërfaqe të tëra, ndërsa dëmet janë kolosale, por ende nuk janë përllogaritur. RTV Ora sjell foto të këtij mali si ishte dhe si u bë. Zjarret ishin të përmasave të mëdha, duke rrezikuar të zbrisnin deri në qytet.
Ende nuk dihet sipërfaqja e saktë e djegur. U deshën dy ditë “luftë” dhe angazhimi i shumë forcave zjarrfikëse dhe të ushtrisë, por edhe banorëve të zonës për të shuar flakët. Për zjarret u arrestuan Ardit Ujka dhe Milton Ivanaj me akuzën e “Shkatërrimit me zjarr i pyjeve dhe mjedisit pyjor”, por më pas u lanë të lirë.
