Ministrja e Arsimit, Sportit dhe Rinisë, Evis Kushi zhvilloi sot një takim me rektorin dhe dekanët e fakulteteve të ndryshme të Universitetit “Ismail Qemali”, Vlorë.
“Zhvillova një bashkëbisedim të frytshëm në lidhje me sfidat e përbashkëta që kemi, si dhe mënyrat e adresimit sa më të shpejtë të tyre me qëllim rritjen e cilësisë në arsimin e lartë dhe maksimizimin e shërbimeve ndaj studentëve”, tha Kushi. Kushi shprehu gatishmërinë e saj për të çuar përpara ambicien e lidhjes organike mes universitetit dhe tregut të punës. “Gjatë takimit, premtova gjithë gatishmërinë time për t’i dëgjuar në çdo moment, bashkëpunuar për çdo gjë që ka në fokus studentët dhe çuar më përpara ambicien e lidhjes organike mes universitetit e tregut të punës”, tha ajo.
