Kuvendi i Shqipërisë miratoi sot qeverinë Rama 3 me 77 vota pro. Pas një seance maratonë që nisi dje në orën 10.00 të paradites dhe përfundoi sot rreth orës 06.35.
Kuvendi miratoi projektvendimin për miratimin e programit politik dhe përbërjen e Këshillit të Ministrave të dekretuar nga Presidenti i Republikës. që mori 53 vota kundër dhe 1 abstenim.
Seanca nisi me paraqitjen e programit politik dhe përbërjen e Këshillit të Ministrave, nga kryeministri i emëruar me dekretin e Presidentit të Republikës.
Më pas seanca vijoi me përgjigjet e pyetjeve të deputetëve nga anëtarët e Këshillit të Ministrave. Seanca vijoi më tej me debatin mbi programin politik dhe përbërjen e Këshillit të Ministrave, i cili vijoi deri në orët e para të mëngjesit të ditës së premte.
