Detaje të reja, kanë dalë në lidhje me ngjarjen që ka ndodhur mëngjesin e sotme në Athinë, ku 35-vjeçari shqiptar u plagos me armë nga policia greke. Mediat greke bëjnë me dije se i plagosur ka mbetur, Klaudio Budo, 35 vjeç, nga fshati Cukë i Sarandës.
Si ndodhi ngjarja? Budo, mëngjesin e ditës së sotme, konkretisht rreth orës 08.30 të mëngjesit, në rrugën “Leoforo Varis”, ka vjedhur fuoristradën “Peugeot” të një gruaje.
Kjo e fundit kishte ndaluar makinën dhe kishte zbritur afër një kioske duke lënë makinën ndezur. Shqiptari i cili, e ka parë që makina është ndezur ka shfrytëzuar nga rasti duke hipu në makinë dhe duke ikur.
Si e zbuloi policia. Shqiptari edhe pse ka ikur me shpejtësi skëterrë u zbulua nga policia, pasi telefoni i drejtueses, ndodhej në mjet.
Përmes GPS të telefonit policia ka zbuluar vendndodhjen e mjetit. Ai është gjetur disa orë më pas i parkuar në kryqëzimin e rrugëve “Marinis” dhe “Aristotelous”. Policia ka pritur deri sa aty është shfaqur personi që e kishte vjedhur. Sapo ai e ka ndezur, i është bërë thirrje nga policia, por ai ka shtuar shpejtësinë dhe ka goditur motorin e policëve, duke p lagosur njërin prej efektivëve. Në këtë moment, efektivët kanë hapur zjarr dy herë me pistoletë, duke plagosur në këmbë autorin.
Në vendngjarje mbërritën forca të shumta policie dhe ambulanca, që shoqëruan të plagosurit në spital.
Kush është Budo
Klaudio Budo, i cili u arrestua, rezulton i dënuar më parë në Greqi për “trafik droge” dhe “vjedhje”, si dhe ka një precedent për plagosje me thikë në Sarandë, në vitin 2015.
