Kryeministri Edi Rama ka ftuar të gjithë shqiptarët që ti bashkohen gjatë pasdites së sotme në sheshin Skënderbej, ku duket se do të shpallë fitoren e Partisë Socialiste në zgjedhjet e 25 Prillit.
Rama shkruan se në sheshin Skënderbej në orën 18:00 do të jetë së bashku me patronazhistët, koordinatorët, drejtuesit dhe deputetët, dhe të gjithë qytetarët që duan ti bashkohen fitores.
RAMA: Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores.
Deri në momentet që flasim, ku numërimi i votave ka përfunduar në 10 qarqe, PS ka marrë 73 vota në rang kombëtar, PD 59 mandate, LSI 5 mandate dhe PSD e Tom Doshit 3 mandate.
Rama mbërriti mëngjesin e sotëm në seli, ku përshëndeti gazetarët, ndërkohë që nuk ka ende një reagim nga selia blu lidhur me rezultatin e këtyre zgjedhjeve, që e lënë atë në opozitë dhe për 4 vitet e ardhshme.
