Një ngjarje e rëndë ka ndodhur mesditën e sotme në plazhin e Durrësit, ku një pushues ka humbur jetën. 75 vjeçari B.S dyshohet se është mbytur pasi u fut për t’u larë në det, ndërkohë që grupi hetimor po punon për zbardhjen e rrethanave të ngjarjes.
“Më datë 02.08.2021, në orën 12:40, jemi njoftuar nga urgjenca e Spitalit Rajonal Durrës se ka mbërritur pa shenja jete shtetasi B. S., 75 vjeç, banues në Durrës, i cili dyshohet se është mbytur duke u larë në det në lagjen nr.1, Durrës. Grupi hetimor po punon për zbardhjen e rrethanave të ngjarjes”, njofton policia.
