Presidenti Ilir Meta i ka bërë thirrje qeverisë që të rrisë numrin e testeve për Covid-19. Në një shkrim në mediat sociale teksa ka publikuar shifrat që vendi ynë ka numrin më të vogël të testimeve të kryera, Meta bën kërkesë urgjente të rritet numri testimeve. Postimi i plote: Është shumë shqetësuese që Shqipëria është e fundit në Europë për numrin e testimeve të kryera.

Testimi është veprim themelor sepse i hap rrugën gjurmimit dhe trajtimit të bazuar mbi diagnozë. OBSH ka qenë shumë e qartë që në momentin kur pandemia COVID-19 u shfaq, duke kërkuar: TESTIM! TESTIM! TESTIM! Kjo kërkesë është sot më urgjente se kurrë pasi rastet e të infektuarve, krahasuar me muajin prillin, janë rritur me mbi 11 herë.