Categories Lajme

Mbi 2 milionë euro, mijëra dollarë dhe paund të padeklaruara në kufi u sekuestruan në 2023 në Shqipëri

Rastet e mosdeklarimit të vlerave monetare u dyfishuan në vitin 2023 dhe po kështu edhe shumat financiare të sekuestruara, krahasuar me vitin paraardhës. Sipas një raporti të Doganës Shqiptare, publikuar të martën, gjatë vitit 2023 janë evidentuar 73 raste të mosdeklarimit të vlerave monetare në kufi, nga të cilat 44 raste në hyrje dhe 29 raste në dalje të shtetit shqiptar, nga 37 raste të vitit 2022. Në vitin 2023 sipas Doganës Shqiptare janë sekuestruar mbi 2 milionë euro, rreth 452 mijë paund, rreth 166 mijë dollarë dhe rreth 50 mijë franga zviceriane. Ndërkohë në vitin 2022 janë sekuestruar në pikat kufitare rreth 1,3 milionë euro dhe rreth 165 mijë paund. Pikat kufitare kufitare ku janë evidentuar rastet më të shpeshta të mosdeklarimit të parave janë Durrësi, Rinasi, Kakavija dhe Morina. Raporte të policisë shqiptare dhe policisë italiane flasin se Porti i Durrësit ka shërbyer në jo pak raste që grupe kriminale që veprojnë jashtë vendit të futin në Shqipëri sasi të mëdha parash përmes shoferëve të autobuzëve të udhëtarëve.

Sipas raportit “Grupet Operative Antitrafik gjatë vitit 2023 kanë kryer 1840 kontrolle në degë të ndryshme doganore kufitare të cilat kanë rezultuar me kapje të parasë ‘kesh’ të padeklaruar”. Dogana Shqiptare thotë se në kuadër të parandalimit të pastrimit të parave dhe financimit të terrorizmit në sistemin doganor, kanë dërguar edhe 19 raste gjatë vitit 2023 pranë Agjencisë së Inteligjencës Financiare për hetim të mëtejshëm bazuar në treguesit e aktivitetit të dyshimtë. Prej vitit 2008 ligji shqiptar parashikon se të gjithë personat që hyjnë ose dalin nga territori i Shqipërisë janë të detyruar të deklarojnë në doganat në kufi shumën mbi 10 mijë euro ose vlerën e njejte te saj në monedha të tjera.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Vrau trafikantin e madh të Irakut, Artan Hoxha zbulon dënimin e tmerrshëm për shqiptarin

Artan Hoxha ka folur për dënimin e Xhuljano Prengës, shqiptarit me nënshtetësi suedeze, që ekzekutoi…

LEXO ME SHUME
Categories Lajme

I nxehti afrikan ‘pushton’ Shqipërinë, temperaturat do të arrijnë deri në 43°C

Këtë javë vendi ynë pritet të përjetojë “ferrin mbi tokë” me temperatura tepër të larta…

LEXO ME SHUME
Categories Lajme

Arrestohet 20-vjeçari i shpallur në kërkim për trafik droge në Durrës

Është arrestuar një 20-vjeçar në Durrës. Orito Mema banues në Durrës,akuzohet për veprën penale “Prodhimi…

LEXO ME SHUME
Categories Lajme

Greqi/ Vdes nga vapa 23-vjeçari shqiptar me aftësi të veçanta, arrestohen prindërit e tij

Në Greqi një 23-vjeçar shqiptar ka ndërruar jetë për shkak të temperaturave të larta. Mediat…

LEXO ME SHUME
Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME