Një supermarket dhe kompleks binzesi me bar e kafene është grabitur me armë zjarri pasditen e kësaj të enjte në qytetin e Kavajës. Autori i armatosur është futur brenda biznesit dhe nën kërcënimin e armës së zjarrit ka grabitur një sasi parash të pallogaritur deri më tani.
Policia ka shkuar menjëherë në vendin e ngjarjes, sapo salla operative është njoftuar grabitjen e armatosur. Autori ka marrë paratë nga supermarketi dhe është larguar, fatmirësisht nuk ka hapur zjarr dhe nuk ka lënduar asnjë person. Grupi hetimor dhe një prokuror i gatshëm kanë dalë në vendin e ngjarjes dhe po kryejnë dokumentimin e rrethanave të saj.
News 24 ka siguruar këtë fotografi nga vendi i ngjarjes, ku shihen të pranishëm dhe disa qytetarë që kanë parë të gjithë skenën, si dhe dy efektivë të Policisë Rrugore që kanë mbërritur të parët.
