Policia e kryeqytetit ka bërë të mundur arrestimin e një personi, i cili dyshohet se është bashkëpunëtor në ngjarjen e ndodhur mbrëmjen e së mërkurës në Laprakë ku mbeti e vrarë 17- vjeçarja, Griselda Gjikolaj dhe u plagos 23-vjeçari, Erion Benga.

Në pranga ka përfunduar Ronald Muzhaqi me akuzën e përkrahjes së autorit të krimit, raporton ABC News.

Vazhdon ende të jetë në kërkim i dyshuari kryesor. Nga ana tjetër policia deklaroi se ka identifikuat autorin, por nuk ka ende të dhëna mbi identitetin e tij.

Ngjarja dyshohet se ka lidhje me një konflikt banal mes autorit dhe 23-vjeçarit, Benga që mbeti i plagosur.