Kënaqësi dhe nder i veçantë të merrja pjesë në Pritjen e Mirëseardhjes të organizuar nga Ambasadorja e re e Shteteve të Bashkuara të Amerikës në Shqipëri, znj. Yuri Kim. Në këtë takim prezantues në Shqipëri u paraqiten prioritetet e Shtetit Amerikan gjatë mandatit të saj në vendin tonë. Mbështes fuqimisht fjalën e Ambasadores Kim: “Nuk ka rëndësi nëse je politikan, diplomat, imam, murgeshë, gazetar, ushtar, nënë apo bijë! Ne jemi të gjithë partnerë dhe duhet të përpiqemi bashkërisht për të çuar Shqipërinë përpara. Të gjithë kemi rol në sigurinë, begatinë dhe integrimin Evropian të Shqipërisë. Shtetet e Bashkuara janë të gatshme të punojnë me të gjithë!”. Nëse të gjithë punojmë me dinjitet, përkushtim dhe përgjegjshmëri, do t’ia dalim të çojmë Shqipërinë përpara!
