Të dy përkrahin një kauzë të njëjtë. Leonardo DiCaprio prej kohësh ka bërë thirrje publikisht që të ruhet ambienti, shkruan lajmi.net. Madje, ai së fundi ka reaguar edhe ndaj vendimit të qeverisë së Shqipërisë, për ndërtimin e tetë hidrocentraleve në lumin Vjosë. Përmes një postimi në Instagram, aktori me famë botërore tregoi se është takuar me Greta Thunberg.
Adoleshentja muajt e fundit ka qenë shumë e komentuar për deklaratat e saj lidhur me mbrojtjen e ambientit. DiCaprio u shpreh i lumtur që kishte rastin të takohej me Thunberg.
“Historia do të na gjykojë për atë që ne bëjmë sot për të siguruar që brezat e ardhshëm të mund të gëzojnë të njëjtin planet të jetueshëm që ne e kemi marrë aq qartë si të mirëqenë. Shpresoj se mesazhi i Greta është një thirrje zgjimi drejtuesve të botës kudo që koha e mosveprimit ka mbaruar. Ajo dhe unë kemi bërë një angazhim për të mbështetur njëri-tjetrin, me shpresën për të siguruar një të ardhme më të ndritshme për planetin tonë”, shkruan ndër të tjera aktori.
